प्रहरीसंगको झडप आफ्नो नेतृत्वमा नभएको सर्लाहीको रामनगर गाउँपालिका-५, का वडाध्यक्ष श्रीनन्दन यादवले बताएका छन् । स्थानीयहरुसंग झडप भइरहेको अवस्थामा आफू त्यहाँ पुग्दा मेरो नाम जोडिएको हुनसक्ने वडाध्यक्ष यादवको भनाइ छ ।

 

उनले भने, `बौजनाथ चौकस्थित स्थानीयलगायत अन्य ठाउँका लगभग २०/२५ जनाको मोटरसाइकल/ ट्याक्टर प्रहरीले रोकेको थियो र सोही सन्दर्भमा प्रहरी र मोटरसाइकल/ट्याक्टर चालकसंग झगडा भइरहेको थियो । आफू त्यहीँ बाटो भएर घर फर्किने क्रममा त्यहाँ एकछिन रोकेर मोटरसाइकल/ट्याक्टर चालकलाई सम्झाई बुझाइ गरेको हुनाले आफ्नो नाम जोडिएको हुनसक्छ, वडाध्यक्ष यादवले बताए ।